पनवेल / प्रतिनिधी : -
स्वाभिमानी युथ रिपब्लिकन पार्टीचे रायगड जिल्हा अध्यक्ष महेश साळुंखे यांच्या नेतृत्वाखाली पनवेल मध्ये पक्षाचे सर्व कार्यकर्ते हे भारतीय जनता पक्ष व महायुतीचे उमेदवार यांच्यासोबत ८ जिल्हा परिषद मतदार संघ व १६ पंचायत समिती मतदार संघामध्ये पक्षाचे कार्यकर्ते प्रत्येक गावात जाऊन महायुतीच्या उमेदवारांचा प्रचार करीत आहेत.
त्याचप्रमाणे शिवसेना शिंदे गटाचे आमदार व महाराष्ट्राचे रोजगार हमी व फलोत्पादन मंत्री नामदार भरतशेठ गोगावले यांच्या बरोबर स्वाभिमानी रिपब्लिकन पक्षाचे श्रीवर्धन तालुका अध्यक्ष सुयोग लोखंडे,महाड तालुका अध्यक्ष सुजित जाधव व माणगाव तालुका अध्यक्ष नितेश हाटे हे त्या तीनही तालुक्यातील जिल्हा परिषद उमेदवार व पंचायत समिती उमेदवारांचा जोरदार प्रचार करत आहेत.
स्वाभिमानी युथ रिपब्लिकन पक्षाच्या पाठिंब्यामुळे निश्चितपणे महायुती विजयी होणार असल्याचे बोलले जात आहे. श्रीवर्धन, महाड, माणगाव तालुक्यामध्ये पक्षाच्या वतीने शिंदे गटाच्या उमेदवारांचा व महायुतीच्या उमेदवारांचा जोरदार प्रचार करीत आहेत.
