शिवसेना (उद्धव बाळासाहेब ठाकरे) यांच्या वतीने उद्योजकांना मदतीचा हात....
पनवेल वैभव / दि.०८(संजय कदम): शिवसेना (उद्धव बाळासाहेब ठाकरे) यांच्या वतीने उद्योजकांना मदतीचा हात खारघर येथे देण्यात आला आहे.
शिवसेना पक्ष प्रमुख तथा महाराष्ट्र राज्याचे माजी मुख्यमंत्री उद्धव बाळासाहेब ठाकरे व तत्कालीन महाविकास आघाडी सरकारने मुख्यमंत्री रोजगार निर्मिती योजनेअंतर्गत फिरते विक्री केंद्र योजनेतून बेरोजगारांना स्वंयरोजगाराची संधी उपलब्ध करून देण्याच्या अनुषंगाने माझा व्यवसाय, माझा हक्क अशी योजना राबविण्यात आली होती.
या योजने अंतर्गत शिवसेना जिल्हाप्रमुख रायगड शिरीष घरत यांच्या माध्यमातून खारघर सेक्टर-11 येथील या योजनेचे लाभार्थी महादेव वनवे यांच्या नावे नवीन वडापाव विक्रीचा व्यवसाय सुरू करण्यात आला. या गाडीचे उद्दघाटन शिवसेना जिल्हाप्रमुख रायगड शिरीष घरत यांच्या हस्ते करण्यात आले. यावेळी ह्रुदयात राम आणि हाताला काम देणार आमचं हिंदूत्व असल्याचे शिरीष घरत यानी सांगितले. यावेळी शिवसेना महानगर समन्वयक दिपक घरत, उपमहानगर प्रमुख प्रकाश गायकवाड, उपमहानगर समन्वयक संजय शिंदे, शहर प्रमूख गुरुनाथ पाटील, उपशहर संघटक विद्या घुंघरावळ, उपशहरप्रमुख प्रशांत जांभूळकर, विभाग प्रमुख अनिल तळवणेकर, विभाग समन्वयक संजय कानडे, शाखा प्रमुख आनंद व्हावळ आदि पदाधिकारी मोठ्या संख्येने उपस्थित होते.
फोटो : शिवसेना (उद्धव बाळासाहेब ठाकरे) यांच्या वतीने उद्योजकांना मदतीचा हात
