३ लाख ३० हजाराचे अमली पदार्थ जप्त..
पनवेल वैभव / दि.१८ (संजय कदम) : तळोजा फेज 1 येथील मेट्रो ब्रिज खाली अंमलीपदार्थात बाळगुन विक्री करताना दोन इसमांना तळोजे पोलिसांनी ताब्यात घेतले असून त्याच्याकडून ३ लाख ३० हजार रुपये किमतीचे अमली पदार्थ जप्त केले आहे.
तळोजा पोलीस ठाण्याचे वरिष्ठ पोलीस निरीक्षक जितेंद्र सोनवणे यांना काही इसम अमली पदार्थांची विक्री करण्यासाठी येणार असल्याची माहिती मिळाली. त्यानुसार वपोनि सोनवणे यांच्या मार्गदर्शनाखाली सपोनि विनया पारासुर, पोउपनि अनंत लांब, पोउपनि विजय यादव यांनी सापळा रचुन तळोजा फेज 1 येथील मेट्रो ब्रिज खालून आरोपी शमी आलम मोहमद नासिर खान (वय ४२), आणि मजहुल कलाम मलीथ्या (वय 39) यांना ताब्यात घेतले. त्यांच्या कडून तळोजा पोलिसांनी 2 लाख 30 हजार रुपये किमतीचे 257 ग्रॅम वजनाचे चरस, 1 लाख रुपये किमतीचे 50 ग्रॅम वजनाचे मेथँक्युलॉन सह इतर साहित्य असा एकूण 3 लाख 30 हजार शंभर रुपये किमतीचा मुद्देमाल जप्त केला. याप्रकरणी तळोजा पोलिसांनी आरोपींविरोधात एनडीपीएस कायदाअंतर्गत गुन्हा दाखल केला आहे.
