तालुका प्रमुख विश्वास पेटकर यांचा सत्कार...
पनवेल / दि.१६ (वार्ताहर) : रायगड जिल्ह्यातील म्हसळा तालुक्यातल दगडघुम ग्रामविकास मंडळ स्थापन झाले आहे. हे मंडळ स्थापन करण्यासाठी तसेच ते सरकारी दरबारामध्ये रजिस्टर करण्यासाठी शिवसेना (उद्धव बाळासाहेब ठाकरे) पनेवल तालुका प्रमुख विश्वास पेटकर यांनी मोलाचे सहकार्य केले. त्याबद्दल त्यांचा मकर संक्रातच्या दिवशी दगडघुम ग्रामस्थांच्यावतीने पुष्पगुच्छ देऊन सत्कार करण्यात आला तसेच केलेल्या सहकार्याबद्दल आभार मानण्यात आले.
खांदा कॉलनी शहर कार्यालयात झालेल्या या सत्कारावेळी शिवसेनेचे उपमहानगर प्रमुख रामदास गोंधळी, उपशहर प्रमुख कुरणे, शाखाप्रमुख तानाजी यादव, दगडघुम ग्रामविकास मंडळाचे अध्यक्ष प्रभाकर चाचले, सचिव अनिल घाणेकर, खजिनदार राजन श्रीपत चाचले यांच्यासह सदस्य तसेच शिवसैनिक पदाधिकारी उपस्थित होते.
फोटो: विश्वास पेटकर सत्कार
