३०० लिटर डिजेलची चोरी....
पनवेल / दि.०४ (संजय कदम) : पनवेल शहरातील मार्केट यार्ड येथिल कल्पतरू सोसायटी समोर उभ्या असलेल्या ट्रकची टाकीचे लॉक तोडुन अज्ञात इसमाने ३०० लिटर डिझेलची चोरी केल्याची घटना घडली आहे. याप्रकरणी पनवेल शहर पोलीस ठाण्यात गुन्हा दाखल करण्यात आला आहे.
सुरेश गायकवाड याने त्याच्या ताब्यातील ट्रक क्र केएल ०८ बीक्यु.४०३० हा मार्केट यार्ड येथिल कल्पतरू सोसायटी समोर पार्क करून ठेवला होता. अज्ञात इसमाने या ट्रकमधील डिजेल टाकीचे लॉक तोडुन त्यामध्ये असलेले २६४००/- रु. किमतीचे ३०० लिटर डिजेल चोरून नेले. याप्रकरणी पनवेल शहर पोलीस ठाण्यात अज्ञाताविरोधात गुन्हा दाखल करण्यात आला आहे.
