तालुका पोलिसांची कारवाई
पनवेल, दि.17 (वार्ताहर) ः स्किल ऑनलाईन गेम हा जुगावर खेळणार्या आठ जणांविरुद्ध पनवेल तालुका पोलिसांनी कारवाई करून त्यांच्याकडून रोख रक्कम, स्कॅनर, स्क्रिन संगणक, सीपीयु, किबोर्ड असा मिळून जवळपास 31 हजार रुपये किंमतीचा मुद्देमाल हस्तगत केला आहे.
जुने पनवेल-पुणे हायवे रोडवरील कोन गाव परिसरात एका गाळ्यामध्ये बेकायदेशीररित्या संगणकाद्वारे ऑनलाईन जुगार चालविला जात असल्याची माहिती वपोनि रवींद्र दौंडकर यांना मिळताच त्यांच्या मार्गदर्शनाखाली वपोनि गिरीधर गोरे, गुन्हे शाखा कक्ष 2 पनवेल सपोनि विवेक भोईर, सपोनि प्रवीण फडतरे, पोलीस उपनिरीक्षक आकाश पवार व पथकाने सदर ठिकाणी छापा टाकून आठ जणांना ताब्यात घेवून त्यांच्याकडून 31 हजार 100 रुपये किंमतीचा मुद्देमाल हस्तगत केला आहे.
