सर्वसामान्य लोेकांचे प्रश्‍न सोडविण्यासाठी नगरसेवक अब्दुल मुकीद काझी यांनी उभारले कार्यालय रस्त्यावर....
पनवेल, दि. ३० (वार्ताहर) ः सर्वसामान्य गोरगरीबांचे नागरी प्रश्‍न सोडविण्यासाठी वातानुकूलीत कार्यालयात बसून उपयोग नाही. यासाठी रस्त्यावरच बसले पाहिजे. या उद्देशाने पनवेल महानगरपालिकेचे नगरसेवक अब्दुल मुकीद काझी यांनी त्यांचे कार्यालय मुख्य रस्त्यावरच्या एका बंद दुकानाच्या बाहेर उघडले असून ते भर रस्त्यात उभे राहून नागरिकांचे प्रश्‍न तातडीने सोडवित असल्याने मोहल्ला परिसरासह पनवेलमधील नागरिकांनी त्यांचे कौतुक केले आहे.
मोहल्ला परिसरात अब्दुल मुकीद काझी तीन वेगवेगळ्या प्रकारची वातानुकूलीत कार्यालये आहेत. त्या ठिकाणी बसून सुद्धा ते नागरिकांच्या समस्या सोडवू शकले असते. परंतु अनेक वेळा सर्वसामान्य गोरगरीब जनता ही अशा कार्यालयात जाण्यास बिचकते व त्यांची कामे तशीच राहतात. याची जाणीव अब्दुल मुकीद काझी यांना होताच त्यांनी त्वरित आपले अजून एक कार्यालय मुख्य रस्त्यावरच सुरू केले. या ठिकाणी त्यांनी एक पंखा सुद्धा लावून घेतला आहे व 10 खुर्च्या तेथे आणून अनेक नागरिकांच्या समस्या रस्त्याच्या बाजूला बसून ते सोडवितात. त्यामुळे अनेक जण त्या ठिकाणी येवून आपल्या व्यक्तीगत समस्या, पोलीस ठाणे, नगरपालिका व इतर समस्या त्यांच्या समोर मांडतात व ते सुद्धा तातडीने संबंधित विभागाशी संपर्क साधून त्या समस्यांचे निराकरण करतात.
कोट
आमचे मार्गदर्शक लोकनेते रामशेठ ठाकूर, लोकप्रिय आमदार प्रशांत ठाकूर व सभागृह युवा नेते परेश ठाकूर यांच्या मार्गदर्शनाखाली नागरिकांच्या समस्या सोडविण्यासाठी प्रामाणिक प्रयत्न करीत असतो व त्यांचे प्रोत्साहन वेळोवेळी मिळत असल्याने काम करायला एक वेगळीच उर्जा मिळते. कुठे बसून काम करतो हे महत्वाचे नसून लोकांच्या समस्या त्वरित सोडविल्या जातात हे महत्वाचे आहे. ः नगरसेवक अब्दुल मुकीद काझी
फोटो ः नगरसेवक अब्दुल मुकीद काझी नागरिकांच्या समस्या सोडविताना.
