आ.प्रशांत ठाकूर यांच्या आवाहनाला पनवेलच्या व्यापार्‍यांकडून उत्स्फूर्त प्रतिसाद....
पनवेल, दि.१४ (वार्ताहर) ः पुरग्रस्तांना सढळ हाताने मदत करा या आ.प्रशांत ठाकूर यांच्या आवाहनाला पनवेलमधील व्यापार्‍यांनी उत्स्फूर्त प्रतिसाद दिला असून त्यातील एक प्रतिष्ठीत व्यापारी चंद्रकांत रिखबदास चोरडीया यांनी त्यांच्यातर्फे मोठ्या प्रमाणात पुरग्रस्तांसाठी नवीन कोरे असे वेगवेगळ्या प्रकारचे ड्रेस व गाऊन मदत म्हणून दिली आहे.
शहरातील व्यापारी चंद्रकांत चोरडीया यांचा व्यापार कमी प्रमाणात आहे. तसेच गेल्या 2 वर्षापासून झालेल्या लॉकडाऊनचा फटका त्यांना सुद्धा बसला आहे. व्यवसाय अर्ध्यावर आला आहे. परंतु कोकणातील बांधवांवर कोसळलेले संकट हे आपल्यावर कोसळलेले संकट आहे व त्यांना मदत करणे आपले कर्तव्य आहे. त्यामुळे त्यांनी खिशाला चाट देवून नवीन कोरे वेगवेगळ्या प्रकारचे 100 ड्रेस व माता भगिनींसाठी 50 गाऊन आणून ती मदत पुरग्रस्तांसाठी केली आहे. यावेळी प्रभाग 19 चे नगरसेवक राजू सोनी, नगरसेविका दर्शना भोईर, नगरसेविका रुतुजा लोंढे आदींच्या उपस्थितीत ही भरघोस मदत त्यांनी केली आहे. या मदतीचे आ.प्रशांत ठाकूर यांनी मनापासून कौतुक करून अशीच गोरगरीबांसाठी मदत सर्वांनी करावी, असे आवाहन सुद्धा केले आहे.


फोटो ः पुरग्रस्तांसाठी कपड्यांची मदत करताना व्यापारी चंद्रकांत चोरडीया यांच्यासोबत नगरसेवक राजू सोनी, नगरसेविका दर्शना भोईर व इतर मान्यवर.
Comments
Popular posts
जम्मू काश्मीर आणि मोझांबिक मेगा सर्जिकल कॅम्पवीरांचा सन्मान...
Image
राज्य उत्पादन शुल्क विभागाच्या धडक कारवाईत १ कोटी रूपये किमंतीच्या गांजासह वाहन हस्तगत ; दोन आरोपी ताब्यात..
Image
पनवेल तालुका विधी सेवा समिती व वकील संघटना पनवेल यांच्या संयुक्त विद्यमाने वृक्षारोपण..
Image
तळोजा भागातुन ७ महिन्याच्या बाळाचे अपहरण ; पोलिसांकडुन अपहरणकर्त्याचा शोध सुरु..
Image
नवी मुंबई विमानतळाला लोकनेते दि.बा.पाटील यांचे नाव देण्यासाठी पंतप्रधान नरेंद्र मोदी यांच्याकडे पत्राद्वारे पाठपुरावा करणार - सर्व पक्षीय कृती समितिचा निर्धार
Image