दोन मोटार सायकलची चोरी
पनवेल, दि.६ (संजय कदम) ः गेल्या 24 तासात पनवेल परिसरातून दोन मोटार सायकली चोरीस गेल्याने वाहन चालकांमध्ये भितीयुक्त वातावरण आहे.
बिंदू बहिरा यांच्या नावावर असलेली 25 हजार रुपये किंमतीची यामहा फसिनो मोटार सायकल क्र.एमएच-46-एएस-1146 ही हरिओम कट्टा हॉटेल उरण नाका, एमएसईबी ऑफिसच्या बाजूला पनवेल येथे उभी करून ठेवली असता अज्ञात चोरट्यांनी सदर गाडी चोरुन नेली आहे. तर दुसर्‍या घटनेत अनिल कुडपाने यांनी त्यांची 10 हजार रुपये किंमतीची अ‍ॅक्टीव्हा मोटार सायकल क्र.एमएच-46-आर-7242 ओम नमःशिवाय बिल्डींगमधील रिलायन्स मॉलच्या समोर करंजाडे येथे उभी करून ठेवली असता चोरीस गेली आहे. गेल्या काही दिवसापासून पनवेल शहरात सायकल चोरीसह मोटार सायकल चोरीचे प्रमाण वाढले असल्याने वाहन मालकांमध्ये भितीयुक्त वातावरण आहे.
