पनवेल, दि.16 (वार्ताहर) ः आपण नाशिक येथे जिल्हाधिकारी असल्याचे भासवून एका महिलेचा विश्वास संपादन करून त्यांना जवळपास 7 लाख 18 हजार रुपयाला गंडा घातल्याची घटना पनवेल शहरात घडली आहे.
योेगिता कानडे यांची भेट आरोपी तुषार ठिगळे (30 रा.नवीमुंबई) याने पनवेल येथे घेवून तो नाशिक येथे जिल्हाधिकारी असल्याचे भासवून त्यांचा विश्वास संपादीत करून त्यांना शासनाच्या गाड्या कमी किंमतीत मिळवून देतो असे सांगून त्यांच्याकडून चेक स्वरुपात तसेच रोखीने रक्कम 6,10,000/- रुपये घेवून यांना गाड्या मिळवून न देता त्याचप्रमाणे घेतलेली रक्कम परत न करता तसेच त्यांच्या मेकअपच्या कामाची उर्वरित रक्कम 1,08,000/- रुपये न देता असा एकूण 7,18,000/- रुपयाची फसवणूक केल्याची तक्रार पनवेल शहर पोलीस ठाण्यात करण्यात आली आहे.