महामार्ग पोलीस केंद्र पळस्पे येथे “ हायवे मृत्युंजय दूत " योजनेची सुरूवात ...
अपर पोलीस महासंचालक डॉ.भुषणकुमार उपाध्याय यांची संकल्पना “

पनवेल / वार्ताहर :- हायवे मृत्युंजय दूत ” ही योजना मा.अपर पोलीस महासंचालक सो, वाहतुक श्री.भुषणकुमार उपाध्याय यांच्या संकल्पनेतून उदयास आली . “ हायवे मृत्युजय दूत ” योजना मा.पोलीस अधिकक्ष सोो , रायगड परिक्षेत्र श्री.संजय बारकुंड , पोलीस उप अधीक्षक श्री . संदीप भागडीकर , पोलीस निरीक्षक पाचोरकर यांचे मार्गदर्शनाखाली राबविण्यात येत आहे . महामार्गावरील अपघातात जखमी झालेल्या व्यक्तीला तातडीने मदत मिळून त्यांचा जीव वाचावा यासाठी “ हायवे मृत्युंजय दूत ” हा उपक्रम सोमवार दिनांक ०१/०३/२०२१ पासुन महामार्ग पोलीस केंद्र पळस्पे , येथे सुरू करण्यात आला आहे . 

महामार्गावर होणाऱ्या अपघातामध्ये त्यातील जखमींना तातडीचे उपचार मिळण्यासाठी या योजनेची मदत होणार आहे असे सहाय्यक पोलीस निरीक्षक श्री सुभाष पुजारी यांनी उद्घाटन प्रसंगी सांगितले की , " त्याकरीता हायवे लगतच्या गावातील , मॉल , पेट्रोल पंप या ठिकाणच्या नागरीकांचा महत्वाच्या ठिकाणी चार , पाच जणांचा एक गट बनवून त्यांना ओळखपत्र दिले जाईल . अपघातग्रस्तांना मदत केल्यास पोलीसांचा ससेमिरा त्यांच्या मागे लागणार नाही . अपघातग्रस्तांना कसे हाताळावे , तातडीने प्रथोमपचार कसे करावे याबाबत प्रशिक्षण देण्यात येणार आहे . अपघात घडल्यानंतर जो वेळ असतो त्याला गोल्डन अवर म्हणतात . अपघाताच्या वेळी काय केले पाहिजे , वेळेत जखमींना हॉस्पीटलमध्ये कसे पाठवावे याचे योग्य प्रशिक्षण हायवे मृत्युंजय दूतांना देण्यात येणार आहे . तसेच हायवे मृत्युंजय दूत यांना ओळखपत्र देण्यात येणार असून चांगले कर्तव्य बजावल्यास प्रशस्तीपत्र देवून गौरवण्यात येणार आहे . रस्ते वाहतूक व महामार्ग मंत्रालयाने घोषित केलेल्या अवॉर्डसाठी चांगले काम केलेल्या देवदुतांची नावे पाठविण्यात येतील अशी माहिती हायवे मृत्युंजय दूत योजनेच्या उद्घाटन प्रसंगी देण्यात आली " . अपघात ग्रस्तांच्या मदतीसाठी ग्रुप संचालक श्री गुरूनाथ साटेलकर म्हणाले की , महामार्गावर अपघात झाल्यानंतर जखमींना तात्काळ मदत केली पाहीजे . एक जखमीचा जीव वाचविला तर संपूर्ण कुटुंब वाचविल्यासारखे असते . तसेच आम्ही गेली १५ वर्षे महामार्गावर अपघातग्रस्तांना मदत करण्याचे काम करीत आहोत . आज या योजनेने खुप समाधान वाटले . देशात दरवर्षी रस्ते अपघातात सरासरी दीड लाख नागरीक जीव गमावतात . महाराष्ट्र राज्यात त्याचे प्रमाण सरासरी बारा हजार आहे . अपघातामध्ये अनेकांना वेळेत योग्य उपचार न मिळाल्याने जिवाला मुकावे लागले आहे . प्रत्येक गटाला एक स्ट्रेचर व ' फर्स्ट एड ' ( First Aid ) चे साहित्य पुरविण्यात येईल . त्यांना महामार्गावर १०८ क्रमांकाची रूग्णवाहिका , खाजगी रूग्णवाहिका तसेच रूग्णालयांची माहिती त्यांचे फोन नंबर उपलब्ध करून देण्यात येतील . जेणेकरून त्यांना जखमींना तातडीच्या वैद्यकिय उपचारांकरीता ' गोल्डन अवर ' मध्ये रूग्णालयात पोहोचविता येईल . यावेळी डॉ.शेख आयआरबी यांनी जखमींना कशा प्रकारे स्ट्रेचरवरून घेवून जाता येईल व प्रथमोपचार याची प्रात्यक्षिके दाखविली . 

सदर कार्यक्रमाकरीता श्री. गुरूनाथ साटेलकर , पदाधिकारी अपघातग्रस्त संघटना, डॉ.श्री.संदेश गोवारी , डॉ.श्री.अक्षय पवार , डॉ.काजोल पडळकर , श्री.अनिल पाटील सरपंच कसळखंड गांव , श्री.अमोल कदम , श्री.नंदकिशोर धोत्रे , श्री.गणेश पाटील बोरले असे मान्यवर उपस्थित होते . त्याचप्रमाणे सदर कार्यक्रमाकरीता देवदूत , आयआरबी व आजूबाजूच्या गावातील मोठया प्रमाणात देवदूत उपस्थित होते .
Comments
Popular posts
दिशा महिला मंच तर्फे नवी मुंबईतील कर्तृत्ववान महिलांना "नवदुर्गा पुरस्कार" देऊन सन्मान...
Image
महाराष्ट्र पोलीसांचा सातासमुद्रापार झेंडा ; सहाय्यक पो.नि. सुभाष पुजारी यांनी जागतिक शरीरसौष्ठव स्पर्धेत पटकाविले ब्रॉन्झ मेडल....
Image
बाळासाहेब ठाकरे लॉ कॉलेजच्या विद्यार्थ्यांचे मुंबई हायकोर्टात "ती" नावाचे पथनाट्य सादर....
Image
मा.उपमहापौर विक्रांत पाटील यांनी केला जागतिक शरीर सौष्ठव स्पर्धेत कांस्यपदक विजेते सुभाष पुजारी यांचा विशेष सत्कार....
Image
खांदा कॉलनी युवासेने तर्फे जेष्ठ नागरिकांना मोफत चष्मे वाटप व आरोग्य तपासणी शिबीर संपन्न....
Image