शिवसेनेतर्फे शालेय विद्यार्थ्यांना मोफत स्कॉलरशिप पुस्तकांचे वाटप..
शिवसेना महानगर समन्वयक राहुल गोगटे यांचा पुढाकार
पनवेल वैभव / प्रतिनिधी : -
उपमुख्यमंत्री एकनाथ शिंदे यांच्या ६१ व्या वाढदिवसाचे औचित्य साधून पनवेल मधील महानगरपालिका दगडी शाळा येथे ४ थी व ७ वी च्या विद्यार्थ्यांना मोफत स्कॉलरशीपच्या पुस्तकांचे वाटप करण्यात आले.
मनपा शाळेतील गरजू विद्यार्थ्यांना आर्थिक सक्षमते अभावी इतर परीक्षा देताना अडचणी निर्माण होतात त्यामुळे ते परीक्षा देऊ शकत नाहीत,त्यांना स्कॉलरशीप सारख्या परीक्षा देताना आवश्यक ती पुस्तके मिळाल्यास विद्यार्थी चांगला अभ्यास करून स्कॉलरशीप परीक्षा उत्तीर्ण होऊ शकतात. ही विद्यार्थ्यांची गरज लक्षात घेऊन शिक्षकांच्या मार्गदर्शनाखाली राहुल गोगटे यांच्या पुढाकाराने मोफत पुस्तकांचे वाटप करण्यात आले.याबद्दल शाळेतील शिक्षक वर्गाने सदर उपक्रमाबद्दल आभार मानले. यावेळी बोलताना महानगर प्रमुख प्रथमेश सोमण यांनी सांगितले की भविष्यात कधीही शालेय पुस्तकांची आवशक्यता लागल्यास ती त्वरित देण्याचे काम शिवसेना करेल.
यावेळी महानगरप्रमुख प्रथमेश सोमण,शहरप्रमुख प्रसाद सोनवणे,उपशहर प्रमुख शैलेश जगनाडे, संघटक अभिजित साखरे,सुजन मुसलोंडकर,मंदार पाटणकर, विक्रम पाटणकर आदी पदाधिकारी व कार्यकर्ते उपस्थित होते.
