स्वाभिमानी युथ रिपब्लिकनचे रायगड जिल्हाध्यक्ष महेश साळुंखे यांची मुख्य उपस्थिती...
पनवेल / प्रतिनिधी : -
स्वाभिमानी रिपब्लिकन पार्टी युथ रिपब्लिकन चे रायगड जिल्हा अध्यक्ष महेश साळुंखे यांच्या प्रमुख उपस्थितीमध्ये गुरु लिंगेश्वर प्राथमिक शाळा यांचा वार्षिक स्नेहसंमेलन समारंभ रामशेठ ठाकूर सामाजिक विकास मंडळ मार्केट यार्ड येथे संपन्न झाला.
या कार्यक्रमाला सर्व शिक्षक वर्ग, पालक वर्ग ,विद्यार्थी वर्ग व मान्यवर उपस्थित होते. शाळेच्या मुख्याध्यापकांनी महेश साळुंखे यांचे शाल व उच्च पुष्पगुच्छ देऊन स्वागत केले. महेश साळुंखे हे दरवर्षी या शाळेतील गोरगरीब विद्यार्थ्यांना मोफत वह्यांचे वाटप करीत असतात त्याचबरोबर इतर शैक्षणिक साहित्याचे सुद्धा वाटप करत असतात.
