लोकनेते रामशेठ ठाकूर यांचा जीवनगौरव पुरस्काराने होणार सन्मान
पनवेल वैभव / प्रतिनिधी : - लोकनेते,माजी खासदार रामशेठ ठाकूर यांचा पनवेल टाइम्सच्या वर्धापन दिनानिमित्त पनवेल टाइम्स सन्मान पुरस्कार सोहळ्यात जीवन गौरव पुरस्काराने गौरविले जाणार आहे.
गणेश कोळी संपादित पनवेल टाइम्सच्या वर्धापन दिनानिमित्त पनवेल टाइम्स सन्मान पुरस्कार सोहळ्यासाठी कोकण मराठी साहित्य परिषदेचे संस्थापक अध्यक्ष पद्मश्री मधु मंगेश कर्णिक,राज्याच्या मंत्री आदिती तटकरे,ज्येष्ठ संपादक मधुकर भावे,दैनिक लोकमतचे संपादक संजय आवटे,पनवेल महानगरपालिकेचे माजी विरोधी पक्षनेते प्रितम म्हात्रे,सुप्रसिद्ध अभिनेत्री ऋतुजा बागवे आदी उपस्थित राहणार आहेत.
याप्रसंगी पनवेलचे नाव उंचवणाऱ्या व्यक्ती आणि संस्थांना पनवेल टाइम्स सन्मान पुरस्कारानेही मान्यवरांच्या हस्ते सन्मानित केले जाणार आहे.वर्धापन दिनानिमित्ताने विकासाचं आंतरराष्ट्रीय शहर-पनवेल.. या विषयावरील निबंध स्पर्धेतील विजेत्यांना मान्यवरांच्या हस्ते रोख पारितोषिके दिली जाणार आहेत.शनिवार दिनांक २७ सप्टेंबर २०२५ रोजी श्री रामशेठ ठाकूर सामाजिक विकास मंडळ सभागृह,मार्केटयार्ड,पनवेल येथे सायंकाळी ४.३० वाजता हा सन्मान पुरस्कार सोहळा होणार आहे.
