खारघर शिवसेना उपशहरप्रमुखपदी हेमंत ब्रिजेश सिंह यांची नियुक्ती
पनवेल वैभव, दि.18 (वार्ताहर) ः हिंदुहृदयसम्राट शिवसेना प्रमुख बाळासाहेब ठाकरे यांच्या आशिर्वादाने व शिवसेना मुख्य नेते उपमुख्यमंत्री एकनाथ शिंदे यांच्या आदेशानुसार जिल्हाप्रमुख रामदास शेवाळे यांनी खारघर उपशहरप्रमुखपदी हेमंत ब्रिजेश सिंह यांची नियुक्ती करून त्यांना नियुक्तीपत्र खा.श्रीरंग बारणे यांच्या हस्ते देण्यात आले आहे.
हिंदुहृदयसम्राट शिवसेना प्रमुख बाळासाहेब ठाकरे यांच्या हिंदुत्वाचा विचार आणि धर्मवीर आनंद दिघे यांची शिकवण यांचा सक्रीयपणे प्रचार आणि प्रसार कराल, तसेच शिवसेना पक्षवाढीसाठी आपण सर्वांना सोबत घेवून कार्य कराल असा विश्‍वास यावेळी खा.श्रीरंग बारणे यांनी व्यक्त केला.
या नियुक्तीवेळी जिल्हाप्रमुख रामदास शेवाळे, तालुकाप्रमुख रुपेश ठोंबरे व खारघर शहरप्रमुख प्रसाद सावंत आदींसह इतर पदाधिकारी उपस्थित होते.
फोटो ः शिवसेना नियुक्तीपत्र देताना खा.श्रीरंग बारणे
