लोकसभा निवडणुकीच्या पार्श्वभूमीवर पनवेल तालुका पोलिसांचा रूट मार्च...
पनवेल दि. २०(संजय कदम): लोकसभा निवडणुकीच्या पार्श्ववभूमीवर पनवेल तालुका पोलिसांनी वावंजे गाव व नेरे गाव परिसरात रूट मार्च काढला होता
लोकसभा निवडणुक 2024 चे अनुषंगाने आणि वरीष्ठांच्या सूचनेनुसार पनवेल तालुका पोलीस ठाण्यासाठी 1 आरपीएफ कंपनी पुरविण्यात आली आहे.. आरपीएफ कंपनीमध्ये 3 अधिकारी, 29 अंमलदार यांचा समावेश होता. त्यांच्यासह पोलीस ठाणे कडील वरिष्ठ पोलीस निरीक्षक अनिल पाटील, पोलीस निरीक्षक जगदीश शेलार, यांच्यासह 2 पोनि, 3 सपोनि/पोउपनि व 30 पोलीस अंमलदार व झोन 2 स्ट्रायकींग वरील 1 अधिकारी, 10 अंमलदार यांनी पोलीस ठाणे हद्दीतील महत्त्वाची मतदान केंद्रे, संवेदनशील परीसर, हिंदू-मुस्लिम मिश्र वस्ती तसेच निवडणुकीच्या अनुषंगाने पोलीस ठाणे हद्दीतील वावंजे गाव परिसर, नेरे गाव परिसर, चिंध्रण, माहळुंगी, मोरबे, रिटघर, दुंदरे, खानाव, वाकडी, हरिग्राम या गावात धावती भेट देवून गाव परीसर व तेथील परीस्थितीची माहिती देण्यात आली.
फोटो: पनवेल तालुका पोलिसांचा रूट मार्च
