गळ्यातील सोन्याची गंठण खेचून चोरटे पसार..
पनवेल / दि.३१ (संजय कदम) : मोटारसायकलवरून आलेल्या दुकलीने गळ्यातील सोन्याची गंठण खेचून पसार झाल्याची घटना मुंब्रा-पनवेल मार्गावर किरवली गावाजवळ घडली आहे. याप्रकरणी अज्ञात चोरट्यांविरोधात तळोजा पोलीस ठाण्यात गुन्हा दाखल करण्यात आला.
विद्या दिलीप चिंचोळकर (वय 45, रा. कौसा,जि. ठाणे) ह्या मुंब्रा-पनवेल रोडने पनवेल कडे येत असताना किरवली गावाच्या जवळ जयेश लॉजचे पुढे विमल पेपर मार्ट या कंपनीच्या समोर काळ्या-निळ्या रंगाची बजाज पलसर 220 मोटार सायकल वरून आलेल्या अंदाजे ३५ ते ४० वयोगटातील दोघा इसमांनी त्यांच्या गळ्यातील १५ तोळे वजणाचे अंदाजे 4 लाख रुपये किमतीचे सोन्याचे गंठण पळवून नेले. गंठण खेचण्यादरम्यान विद्या चिंचोळकर यांच्या मानेला दुखापत झाली. याप्रकरणी अज्ञात चोरट्यांविरोधात तळोजा पोलीस ठाण्यात गुन्हा दाखल करण्यात आला. याप्रकरणाचा पुढील तपास श्रेणी पोलीस उपनिरीक्षक महादेव बडे करीत आहेत.
