दोन वाहनातील विचित्र अपघातात दोघे किरकोळ जखमी....
पनवेल दि.१८ (वार्ताहर) : पनवेल जवळील तारा गावाच्या हद्दीत आज झालेल्या दोन वाहनातील विचित्र अपघातात दोघे जण किरकोळ जखमी झाल्याची घटना घडली आहे.
पनवेल बाजूकडून पेण बाजूकडे निसान गाडी घेऊन चालक जात असताना अचानकपणे मागून आलेल्या मारुती वॅगन-आर गाडीने कट मारून झालेल्या विचित्र अपघातात निसान गाडी पुढे जाऊन पलटी झाली. यामध्ये दोन्ही गाडीमधील एक-एक जण जखमी झाले असून त्यांना उपचारार्थ पेण येथील रुग्णालयात नेण्यात आले आहे. दरम्यान या दोन्ही गाडीचे मोठे नुकसान झाले असून या घटनेची नोंद पनवेल तालुका पोलीस ठाण्यात करण्यात आली आहे.
फोटो : अपघातग्रस्त वाहने
