बीके तारा दीदी व बीके डॉ.शुभदा नील यांचा विशेष सत्कार...
पनवेल / प्रतिनिधी - : राजयोगिनी बीके तारा दीदी ब्रह्मा कुमारिज पनवेल, सेवाकेंद्र संचालिका व बीके डॉ शुभदा नील संचालिका नील हॉस्पिटल यांचा मानवतेच्या सेवेसाठी दिलेल्या अथक वचन बद्धतेबद्दल आणि निस्वार्थ योगदानाबद्दल, अध्यक्ष विजय भावसार आणि महावीर इंटरनॅशनलचे संस्थापक अध्यक्ष अरविंद बोधनकर यांच्या हस्ते १९ फेब्रुवारी रोजी डिवाईन होलिस्टिक हेल्थ सेंटर, नील हॉस्पिटल येथे विशेष सत्कार करण्यात आला.
यावेळी रोटेरियन डॉ. अनिल परमार, रोटरी डिस्ट्रिक्ट 3131 चे रोटरी डिस्ट्रिक्ट गव्हर्नर, बीके कमल, रोटेरीयन लक्ष्मण पाटील अध्यक्ष रोटरी क्लब पनवेल सेंट्रल, रोटेरीयन डॉ स्वाती लिखिते अध्यक्ष रोटरी क्लब एलिट, रोटेरीयन एजी अविनाश कोळी, रोटेरीयन प्रदीप डावकर अध्यक्ष रोटरी क्लब नवीन पनवेल, महावीर इंटरनॅशनलचे सपन बर्धन, मंगला गडमुले व इतर मान्यवर उपस्थित होते.
