सीबीडी पोलीस ठाण्याच्या माध्यमातून सायकल रॅली...

सीबीडी पोलीस ठाण्याच्या माध्यमातून सायकल रॅली...

पनवेल वैभव दि. १३ ,(संजय कदम ) : भारतीय स्वातंत्र्यास 75 वर्षे पूर्ण झाल्याने संपूर्ण भारतात अमृत महोत्सव साजरा होत आहे. त्या अनुषंगाने शासनाकडून विविध कार्यक्रमांचे आयोजन व जनजागृती करण्यासंदर्भात निर्देश देण्यात आलेले आहेत. त्यास अनुसरून सीबीडी पोलीस ठाणे येथे आज दिनांक 13/08/2022 रोजी सायकल रॅलीचे आयोजन करण्यात आले होते. सदर सायकल रॅलीमध्ये सीबीडी पोलीस ठाणे मधील 18 अधिकारी व 50 पोलीस अंमलदार यांनी सहभाग घेतला .

                                   सदर सायकल रॅलीस विवेक पानसरे, पोलीस उपयुक्त परिमंडळ 1 वाशी , नवी मुंबई  व गजानन राठोड, सहाय्यक पोलीस आयुक्त, तुर्भे विभाग यांनी उपस्थित राहून मार्गदर्शन केले व रॅलीत सहभाग घेऊन प्रोत्साहन दिले.सदर रॅलीचे आयोजन वपोनि अनिल पाटील यांनी केले होते या रॅलीत देशभक्तीपर गीत , देशभक्तीपर घोषणा देण्यात आल्या.  त्याचप्रमाणे सायकल चालवा व आरोग्य वाचवा असा संदेश देण्यात आला. सदर सायकल रॅली ही सीबीडी पोलीस ठाणे  येथून सुरू करून सेक्टर 4, सेक्टर 5, सेक्टर 8, सेक्टर 1 पोलीस लाईन, पोलीस आयुक्त कार्यालय समोरून सीबीडी रेल्वे स्टेशन सेक्टर 11, व पुन्हा सीबीडी पोलीस ठाणे येथे येऊन ( साधारणता 7 किलोमीटर ) समाप्त करण्यात आली.

फोटो - सीबीडी पोलीस ठाण्याच्या माध्यमातून सायकल रॅली