मोटार सायकलस्वाराला चौकडीने लुटले...
पनवेल, / दि.3 (संजय कदम) ः अॅक्टीव्हा मोटार सायकल घेवून तालुक्यातील देवीचापाडा येथून येरमाळ येथे घरी जात असलेल्या एका इसमास चार चाकी गाडी आडवी घालून चार अज्ञात इसमांनी त्याला धमकावून व मारहाण करून त्याच्या खिशातील रोख रक्कम व मोबाईल फोन काढून घेवून पसार झाल्याची घटना तालुक्यातील महाळुंगी येथील डॉग फॉर्मच्या समोर घडली आहे.
गौतम अंबो निरगुडा (22 रा.येरमाळ) हा त्याच्या ताब्यातील अॅक्टीव्हा मोटार सायकल घेवून तालुक्यातील देवीचापाडा येथून येरमाळ येथे घरी जात असताना चार चाकी गाडी आडवी घालून चार अज्ञात इसमांनी त्याला धमकावून व मारहाण करून त्याच्या खिशातील रोख रक्कम व मोबाईल फोन असा एकूण 17 हजार रुपये किंमतीचा मुद्देमाल काढून घेेवून ते पळून गेले आहेत. याबाबतची तक्रार पनवेल तालुका पोलीस ठाण्यात करण्यात आली आहे.
