कार्यालयातील चोरीत रोख रकमेसह लॅपटॉप केला लंपास....
पनवेल दि.21 (संजय कदम)- एका बंद कार्यालयात अज्ञात चोरट्यांनी केलेल्या चोरीत रोखरकमेसह लॅपटॉप व पेट्रोल परफ्यूमच्या 76 बाटल्या असा एकूण 78 हजारांचा ऐवज चोरून नेल्याची घटना तळोजा फेज-1 परिसरात घडली आहे.
सुफियान मोहम्मद अनिस सय्यद यांचे से.-10 रसबेरी अपार्टमेंट, शॉप नं-5 येथे रियल इस्टेटचे कार्यालय आहे. सदर कार्यालय बंद असल्याचे पाहून अज्ञात चोरट्याने शटरची पट्टी कापून आत प्रवेश करून आत असलेले 50 हजार रूपये रोख, 10 हजारांचा डेल कंपनीचा लॅपटॉप व 18 हजारांचे पेट्रोल परफ्यूमच्या 76 बाटल्या असा एकूण 78 हजारांचा ऐवज चोरून नेल्याने याबाबतची तक्रार तळोजा पोलिस ठाण्यात करण्यात आली आहे.
