दोन वेगवेगळ्या घटनेत दोघांचा मृत्यू.......

दोन वेगवेगळ्या घटनेत दोघांचा मृत्यू.....

पनवेल दि.२० (संजय कदम): पनवेल परिसरात घडलेल्या दोन वेगवेगळ्या घटनेत दोघा जणांचा मृत्यु झाला आहे.

         पनवेल जवळील मुंबई-पुणे एक्सप्रेस हायवेवर किमी 12.600 भाताणच्या हद्दीत पायी जात असलेल्या एकाला अज्ञात वाहनावरील अज्ञात चालकाने बेदरकारपणे वाहन चालवून सदर इसमाला धडक देऊन त्यात तो इसम गंभीररित्या जखमी होऊन मृत्यु पावला आहे. या अपघाताची नोंद पनवेल तालुका पोलिस ठाण्यात करण्यात आली आहे. 

तर दुसऱ्या घटनेत तळोजा से.-2 मधील पंचशील सोसायटीत सुरक्षारक्षक म्हणून काम करणारा रफिक गफूर अली (वय-26) हे सोसायटीत पाणी पंप सुरू करत असताना त्याला वीजेचा शॉक लागून त्याचा मृत्यु झाला आहे. या  घटनेची नोंद तळोजा पोलिस ठाण्यात करण्यात आली आहे.