डॉ.भूषणकुमार उपाध्याय,अतिरिक्त पोलीस महासंचालक यांचा "कुवल्यानंद योग" पुरस्काराने सन्मान...

पोलीस विभागामध्ये आपले कर्तव्य प्रामाणिकपणे व प्रभावीपणे राबवत योगाचा प्रचार व संवर्धनाचे काम करणारे डॉ . भुषणकुमार उपाध्याय , मा . अतिरिक्त पोलीस महासंचालक ( वाहतुक ) यांना लोणावळा येथील कैवल्यधाम याठिकाणी पुरस्कार प्रदान सोहळा आयोजित करुन मा . राज्यपाल श्री . भगतसिंग कोशारी यांच्या हस्ते " कुवल्यानंद योग " हा पुरस्कार देऊन सन्मानीत करण्यात आले आहे . त्यावेळी कैवल्यधामचे अध्यक्ष स्वामी महेशानंद , सरचिटणीस श्री . ओ . पी . तिवारी , सहसंचालक ( संशोधन ) श्री . रणजितसिंह भोगल , मुख्य कार्यकारी अधिकारी श्री . सुबोध तिवारी आदी मान्यवर उपस्थित होते . डॉ . भुषणकुमार उपाध्याय हे संस्कृतचे गाढे अभ्यासक असून , त्यांनी लिहीलेली काही पुस्तके ही प्रकाशित झालेली आहेत . त्यांना मानवतेला केंद्रस्थानी ठेवून त्यांनी सुरवातीपासून पोलीस दलातील काम केले आहे . पोलीस दलातील हुशार , विद्वान व शांत स्वभावाचे प्रेमळ अधिकारी म्हणून त्यांचा नावलौकीक असून सर्वसामान्य जनतेच्या गळ्यातील ताईत म्हणून राज्यभर त्यांचा परिचय आहे . गेल्या सहा महिन्यांपासून ते महामार्ग ( वाहतुक ) पोलीस विभागाचे ते अपर पोलीस महासंचालक आहेत . वाहतुक विभागामाध्यील अपघातांचे प्रमाण कमी होण्यासाठी वाहतुक दलातील अधिकाऱ्यांना आवश्यक ते मार्गदर्शन करुन राज्यभर वेगवेगळया योजना राज्यभर राबवित असतात . महामार्ग पोलीस दलातील अधिकारी व कर्मचाऱ्यांची ते वेळोवेळी आपुलकीने विचारपूस करतात व त्यांच्या अडीअडचणी जाणून घेऊन त्यांना योग्य ती मदत करतात . तसेच महामार्गतील अधिकाऱ्यांना त्यांच्या पसंतीनुसार नियुक्त्या देत असतात त्यामुळे अल्पावदीतच ते महामार्ग पोलीस दलात लोकप्रिय अधिकारी म्हणून प्रसिध्द झाले आहेत . डॉ . भुषणकुमार उपाध्याय यांनी सहाय्यक पोलीस अधीक्षक म्हणून सोलापूर जिल्हयातील पंढरपूर येथून आपल्या सेवेचा प्रारंभ केला . पंढरपूर नगरीतील गुन्हेगारीचा त्यांनी पुर्णपणे बिमोड केला होता . ते त्यांचे कार्यक्षेत्रातील सामान्य व गरीब जनतेला सदैव मदत करीत त्यांनी गुन्हेगारांना वटणीवर आणले होते . त्यावेळी त्यांच्याकड़े सहा तालुक्यांची जबाबदारी असतांना त्यांच्या भितीमुळे साही तालुक्यातील गुन्हेगार हद्दीतून बाहेर निघून गेले होते . ते डॉ . भुषणकुमार उपाध्याय यांच्या बदलीनंतरच परत हद्दीत आले होते . डॉ . भुषणकुमार उपाध्याय यांची पदोन्नतीवर बदली झाली त्यावेळी सामान्य नागरीक व सर्वपक्षीय असा अभूतपूर्व मोर्चा काढण्यात आलेला होता व पंढरपूर याठिकाणी पोलीस अधीक्षक पद निर्माण करुन त्यांना , त्याचठिकाणी ठेवावे अशी मागणी जनतेकडून करण्यात आली होती . पोलीस अधिकाऱ्याची बदली करावी म्हणून मोर्चे निघतांना पहायला मिळतात पण डॉ , भुषणकुमार उपाध्याय यांची बदली होऊ नये म्हणून सामान्य नागरीकांनी काढलेला पंढरपूरातील सगळ्यात मोठा मोर्चा होता . ते ज्या - ज्याठिकाणी बदलून गेले तेथील सर्वसामान्य नागरीकांनी त्यांना आपल्या हृदयातच ठेवले . ज्यावेळी ते तुरुंग विभागाचे महानिरीक्षक म्हणून कार्यरत असतांना त्यांनी कारागृहातील कैदयांसाठी वेगवेगळया योजना राबविल्या . त्यांनी कैदी व त्याला भेटण्यास आलेल्या त्याच्या कटुंबियांची गळाभेट देण्याची संकल्पना संपूर्ण महाराष्ट्रातील तुरुंगामध्ये राबविली होती . त्यामुळे तुरुंगातील कैदयांमध्ये आनंदाचे वातावरण निर्माण होऊन शिक्षा भोगणान्या कैदयांनीही त्यांच्यावर जिवापाड प्रेम केले . डॉ . भुषणकुमार उपाध्याय , अतिरिक्त पोलीस महासंचालक ( वाहतुक ) यांना " कुवल्यानंद योग पुरस्कार मिळाल्याने त्यांच्यावर महामार्ग वाहतुक पोलीस दलातील अधिकारी व अमलदार यांचेकडून अभिनंदनाचा वर्षाव होत आहे . .
Comments
Popular posts
दिशा महिला मंच तर्फे नवी मुंबईतील कर्तृत्ववान महिलांना "नवदुर्गा पुरस्कार" देऊन सन्मान...
Image
महाराष्ट्र पोलीसांचा सातासमुद्रापार झेंडा ; सहाय्यक पो.नि. सुभाष पुजारी यांनी जागतिक शरीरसौष्ठव स्पर्धेत पटकाविले ब्रॉन्झ मेडल....
Image
बाळासाहेब ठाकरे लॉ कॉलेजच्या विद्यार्थ्यांचे मुंबई हायकोर्टात "ती" नावाचे पथनाट्य सादर....
Image
खांदा कॉलनी युवासेने तर्फे जेष्ठ नागरिकांना मोफत चष्मे वाटप व आरोग्य तपासणी शिबीर संपन्न....
Image
मा.उपमहापौर विक्रांत पाटील यांनी केला जागतिक शरीर सौष्ठव स्पर्धेत कांस्यपदक विजेते सुभाष पुजारी यांचा विशेष सत्कार....
Image