महामार्गावरील अपघातग्रस्तांसाठी मृत्यूंजय दूत संकल्पना राबविणार..
 
पनवेल :- महामार्गावरील वाहनांचे वाढते प्रमाण पाहता घडणाऱ्या अपघात व वाढणारे मृत्यूचे प्रमाण ही संख्या दिवसेंदिवस वाढत चाललेली आहे . हे प्रमाण कमी करण्याकरीता १ मार्च २०२१ रोजीपासून महाराष्ट्र राज्याचे महामार्ग पोलीस विभाग प्रमुख डॉ.भूषणकुमार उपाध्याय , अपर पोलीस महासंचाक , म . रा . मुंबई यांचे संकल्पनेतून “ हायवे मृत्यूंजय दूत ” योजना राज्यात राबविण्यात येणार आहे . 

भारतामध्ये दरवर्षी रस्ते अपघातात अंदाजे दिड लाख लोकांचा मृत्यू होतो . असे रस्ते अपघाताचे विश्लेषणात दिसुन आले आहे . अपघात झाल्यानंतर अपघातग्रस्तांना उपचाराकरीता योग्य वेळी रूग्णालयात नेले जात नाही किंवा अपघातग्रस्तांना रूग्णालयात नेतांना व्यवस्थित न हाताळल्याने जखमी व्यक्तिच्या शरीरास अधिक इजा होते व मृत्यूचे प्रमाण वाढते . याकरीता गोल्डन अवर ( Golden Hour ) मध्ये अपघातग्रस्तांना व्यवस्थितरित्या रूग्णालयात नेता यावे व त्यांना योग्य उपचार त्वरीत मिळण्यासाठी राज्य महामार्ग पोलीस विभागातर्फे हायवे मृत्यूंजय दूत ही योजना राज्यातील महामार्गावर राबविण्यात येणार असुन या योजनेची रूपरेषा खालील प्रमाणे आहे . 
१. महामार्ग अखत्यारीतील महत्वाचे राष्ट्रीय व राज्य महामार्गावरील सर्व मॉल , पेट्रोलपंप , ढाबा किंवा हॉटेलमध्ये काम करणारे कर्मचारी तसेच महामार्गाचे लगतच्या गावातील चार ते पाच लोकांचा ग्रुप तयार करुन त्यांना मृत्यूंजय देवदूत नावाने संबोधण्यात येणार आहे . 
२. या देवदूत व्यक्तिंना अपघातग्रस्त व्यक्तिस कसे हाताळावे किंवा कसे उचलावे याबाबतचे प्रथमोपचाराचे प्रशिक्षण देवून त्याच्या . प्रत्येक ग्रुपला एक स्ट्रेचर व प्राथमिक उपचाराचे साहीत्य देण्यात येणार आहे . 
३. महामार्ग अखत्यारीतील राष्ट्रीय व राज्य महामार्गानजिकच्या हॉस्पीटलची नावे पत्ते व संपर्क क्रमांक अदयावत करण्यात येणार आहेत . ४. अॅम्बुलन्ससाठी १०८ हा दुरध्वनी क्रमांक आहे . याबाबत माहीती देवदूत याना देवून इतर खासगी व इतर रूग्णालयास संलग्न असणाऱ्या अॅम्बुलन्सची माहीतीसुध्दा देण्यात येणार आहे . ५. हायवे मृत्यूंजय दूत यांना अपघात प्रसंगी मदत करताना कोणतीही अडचण येवू नये करीता त्याना महामार्ग सुरक्षा पथकांकाडून ओळखपत्र देण्यात येणार आहेत 
६. देवदूतांना पोत्साहन मिळावे करीता रस्ते वाहतूक व महामार्ग मंत्रालयाने घोषीत केलेले “ Good Samaritan Award " चांगले काम केलेल्या देवदूतांना मिळण्यासाठी शिफारस करण्यात येणार आहे . 
७. आरोग्य विभाग , महाराष्ट्र शासन यांनी जाहीर केलेली स्व.बाळासाहेब ठाकरे रस्ते अपघात विमा योजना " या योजनेची सविस्तर माहीत संबंधीत नातेवाईक आणि संबंधीतांना देण्यात येणार आहे
 
Comments
Popular posts
दिशा महिला मंच तर्फे नवी मुंबईतील कर्तृत्ववान महिलांना "नवदुर्गा पुरस्कार" देऊन सन्मान...
Image
महाराष्ट्र पोलीसांचा सातासमुद्रापार झेंडा ; सहाय्यक पो.नि. सुभाष पुजारी यांनी जागतिक शरीरसौष्ठव स्पर्धेत पटकाविले ब्रॉन्झ मेडल....
Image
बाळासाहेब ठाकरे लॉ कॉलेजच्या विद्यार्थ्यांचे मुंबई हायकोर्टात "ती" नावाचे पथनाट्य सादर....
Image
खांदा कॉलनी युवासेने तर्फे जेष्ठ नागरिकांना मोफत चष्मे वाटप व आरोग्य तपासणी शिबीर संपन्न....
Image
शिवसेनेच्या कार्यप्रणालीवर प्रेरित होऊन खारघर मधील शेकडो महिला व पुरुषांचा सेनेत जाहीर पक्ष प्रवेश ....
Image