पनवेलकरांना घडणार लालबागच्या राजाचे दर्शन..
महात्मा ज्योतीबा हातगाडी संघटना गौरा गणेश उत्सवाचे ३३ वे वर्ष...
पनवेल / प्रतिनिधी - : भक्तांचे दुःख हरण करणाऱ्या व ज्याच्या दर्शनासाठी लाखो भक्तांचा सागर मुंबईत लोटतो त्या लालबागच्या राजाचे दर्शन पनवेलकरांना होणार आहे. पनवेलमधील महात्मा ज्योतीबा फुले हातगाडी संघटना श्रीगौरा गणेश उत्सवानिमित्त लालबागच्या राजाची प्रतिकृती पनवेलमध्ये १० सप्टेंबर २०२५ ला विराजमान होणार आहे. संघटनेचे गौरा गणेश उत्सवाचे ३३ वे वर्ष असुन सामाजिक बांधिलकी जोपासुन श्रीगौरा गणेश उस्तव मोठया भक्तीमय वातावरणात लाखोंच्या उपस्थितीत शांततामय साजरा केला जात असल्याचे महात्मा ज्योतिबा फुले हातगाडी संघटनेचे अध्यक्ष एस. के. नाईक यांनी सांगीतले आहे.
पनवेल मधिल महात्मा ज्योतीबा फुले हातगाडी संघटना व फळभाजी विक्रेते सहकारी संस्था यांच्या सयुक्त विद्यामाने गेल्या ३२ वर्षापासुन गौरा गणेश उत्सव साजरा केला जात आहे. या संघटनेचे जवळपास तीन हजारापेक्षा जास्त सभासद असुन यामध्ये छोटे मोठे व्यवसाय करुन आपले उदरनिर्वाह करणारयांचा सहभाग मोठया संख्येन आहे. गौरा गणेश उत्सव साजरा करण्यामागची संकल्पना सांगताना महात्मा ज्योतिबा फुले हातगाडी संघटनेचे अध्यक्ष एस. के. नाईक यांनी सांगितले की पनवेल तालुक्यात गणेश उत्सव साजरा होत असताना गणेश भक्ताना गणरायासाठी आवश्यक असणारे साहीत्य विक्री करण्यात येथील छोटे व्यावसायिक गुंतलेले असतात त्यावेळी गणेश उत्सवाचा आनंद घेता येत नाही सर्वच संघटनेचे सभासद गणेश उत्सव मोठया उस्ताहात साजरा करु शकत नाहीत यासाठीच संघटनेने ३२ वर्षापुर्वी गौरा गणेश उत्सव साजरा करण्याची सुरवात केली.
१० सप्टेंबर २०२५ ला सकाळी ७ वाजता डॉ. सौ कल्याणी विशाल वसंत पाटील यांचा हस्ते श्रीगौरा गणेशपूजन असल्याचे महात्मा ज्योतिबा फुले हातगाडी संघटनेचे अध्यक्ष एस. के. नाईक यांनी सांगितले.
उत्सवाच्या प्रारंभी वेगवेगळया मुर्तिची प्रतिष्ठापणा केली जात होती. परतू गेल्या २६ वर्षापासुन लालबागच्या राज्याची प्रतिकृती पनवेल मध्येच तयार करुन स्थापना केली जात आहे. लालबागच्या राजाची मूर्ति साकारणारे संतोष रत्नाकर कांबळी व त्यांचे ईतर सहकार गेल्या पंधरा ते विस दिवसापांसुन पनवेल मध्ये गणेश मूर्ति साकारण्यासाठी रात्रंदिवस काम करीत आहेत तसेच राजाचे धोतर सजवण्याचे काम रुपेश पवार करीत आहेत. गौरा गणेश उत्सव साजरा करीत असताना सर्व धर्मिय जात पात वंश भेद विसरुन एक दिलाने काम करीत असतात. याप्रसंगी महाप्रसादाचे आयोजन करण्यात येते या महाप्रसादाचा लाभ जवळपास साठ हजारापेक्षा जास्त गणेश भक्त घेत असतात.
पनवेलमधिल मार्केटच्या राज्याचे दर्शन घेण्यासाठी मुंबई, ठाणे , विरार, पालघर, नवीमुंबई, तसेच रायगड जिल्हयातुन पाच लाखांच्यापेक्षा जास्त भाविक आपली हजेरी लावतात. लालबागच्या राजाचे दर्शन झाले नाही असे भाविक व पूर्ण केलेल्या मनोकामनांचे नवस फेडण्यासाठी भक्त पनवेलकडे धाव घेतात. महात्मा फुले हातगाडी संघटनेच्या सभासदांना मार्केटच्या राजाचे कृपाछत्र चांगलेच लाभले असुन जे हातगाडीवाले रस्त्यावर व्यवसाय करुन पोट भरत होते ते सभासद आता चारचाकी गाडीतून फिरत असल्याचे एस. के. नाईक यांनी सांगुन आमच्या सर्वावर राजाची कृपा असल्याचे भावूक होउन सांगतात.
दिड दिवसांनंतर मोठया दिमाखात शाही थाटात राजाचे विर्सजन ११ सप्टेंबर २०२५ ला मोठया भावपूर्ण वातावरणात होणार असल्याचे महात्मा ज्योतिबा फुले हातगाडी संघटनेच्या गौरा गणेश उत्सवाचे अध्यक्ष प्रल्हाद नाईक यांनी सांगितले.
