रक्तदान व आरोग्य तपासणी शिबीर उत्स्फूर्तपणे संपन्न
पनवेल दि २२, (संजय कदम) : श्री प्रल्हाद रे झुलेलाल ट्रस्ट, श्री पूज्य सिंधी पंचायत ट्रस्ट पनवेल नवी मुंबई प्रिंट आणि डिजिटल पत्रकार संघटना आणि आम्ही रक्तदाते पनवेलचे यांच्यातर्फे रक्तदान शिबीर व मोफत आरोग्य तपासणी शिबिराचे आयोजन आज करण्यात आले होते .
श्री पूज्य सिंधी पंचायत झुलेलाल मंदिर विश्राळी नाका पनवेल येथे रविवारी (दि २२) सकाळी नऊ ते दुपारी तीन वाजेपर्यंत हे शिबीर आयोजित करण्यात आले. या कार्यक्रमाला आयोजक ऍड मनोहर सचदेव, अमोल साखरे यांच्यासह संजय कदम व इतर अनेक मान्यवर उपस्थित होते. त्यानिमित्ताने आरोग्य तपासणीसह सेल्फी पॉईंट उभारण्यात आली होती. यावेळी मनोहर सचदेव यांनी केलेल्या आवाहनाला रक्तदात्यांनी उत्स्फूर्त प्रतिसाद देत मोठ्या प्रमाणात रक्तदान केले. तर आयोजक अमोल साखरे यांनी सुद्धा उत्स्फूर्त प्रतिसादाबद्दल पनवेल करांचे कौतुक केले व आगामी ५ जानेवारी २०२५ रोजी आयोजित करण्यात येणाऱ्या रक्तदान शिबिराला सुद्धा असाच प्रतिसाद द्यावा असे आवाहन केले.
फोटो - रक्तदान शिबीर
