महेंद्रशेठ घरत करणार कर्तबगार महिलांचा सन्मान
पनवेल दि. १० ( वार्ताहर ) : मातोश्री स्व.यमुनाबाई तुकाराम घरत यांच्या १० व्या पुण्यस्मरण दिना निमित्त दानधर्मासाठी नावलौकीक असलेले कामगार नेते महेंद्रशेठ घरत हे शैक्षणिक, सामाजिक, राजकीय, कला, क्रीडा अशा विविध क्षेत्रात उल्लेखनीय कामगिरी करणाऱ्या यशस्वी महिलांना यमुना स्त्री सन्मान पुरस्कार सोमवार दिनांक 11 मार्च रोजी शेलघर येथे दुपारी 12 :00 वाजता देवून सन्मानित करणार आहेत.
कर्तबगार महिलांना व तरुणांना प्रोस्ताहन देण्याचे काम महेंद्रशेठ घरत नेहमीच करत असतात. यावर्षी विविध क्षेत्रातील 12 महिलांचा सन्मान करण्यात येणार आहे.विविध सामाजिक संस्थांना धनादेश या प्रसंगी देणार आहेत तसेच आपल्या सोबत वर्षानुवर्ष काम करणारे सहकारी किरीट पाटील, आनंद ठाकूर यांना घरे बांधून देवून त्यांनी आजपर्यंत महेंद्रशेठ घरत यांना साथ दिल्याची पावतीच जणू ते आपल्या सहकार्याना देत आहेत. आपल्या खांडस येथील फार्महाउसवर देखरेख करणारे श्री. लक्ष्मण जडर यांना राहायला स्वत:चे घर नव्हते, महेंद्रशेठ घरत यांनी स्वखर्चाने या वृद्ध जोडप्याला पक्के घर बांधून दिले त्याचे हस्तांतरण ११ मार्च रोजी होणार आहे. नेहमी त्यांच्या सोबत फोटोग्राफीसाठी असणारे लक्ष्मण ठाकूर यांचे स्वत:चे फोटो स्टुडीओ नव्हते हि त्यांची खंत महेंद्रशेठ घरत यांनी जाणून त्यांना उलवे नोड येथे स्वत:च्या जागेत फोटो स्टुडीओ काढून दिला.लक्ष्मण ठाकूर हे तारा गावात रहात असल्यामुळे त्यांना उलवे येथे येणे -जाणे जिकरीचे होते हि अडचण लक्षात घेवून तसेच त्यांच्या मुलीला शहरात शिक्षण घेता यावे यासाठी महेंद्रशेठ घरत यांनी रिद्धी सिद्धी हाईट उलवे येथे त्यांना 1BHK प्लॅट सुद्धा दिला त्याचे हस्तांतरण सुद्धा ११ तारखेला होत आहे. मागील वर्षी प्रकाश भगत तसेच आपटा येथील श्रीमती घरटकर यांना सुद्धा स्वखर्चाने महेंद्रशेठ घरत यांनी घरे बांधून दिली. खऱ्या अर्थाने कर्मवीर अण्णांची शिकवण प्रत्यक्षपणे जगणारे,सर्व राजकारण्यांनी आदर्श घ्यावा असे नेते म्हणजे कामगार नेते महेंद्रशेठ घरत होत.
