शिवसेनेच्या पुढाकाराने ७५ नंबर सिटीबसच्या फेऱ्या सोमवार पासून वाढणार...
पनवेल वैभव / दि.१६(संजय कदम): पनवेल शहरातील नागरिकांच्या सोयीसाठी जी ७५ नंबरची सिटी बस सेवा सुरू आहे. काही दिवसांपासून त्या बसच्या फेऱ्या अतिशय कमी प्रमाणात होऊ लागल्याची तक्रार साईनगर भागातील काही रहिवाशांनी शिवसेनेकडे केली होती. त्यानुसार पनवेल शहर प्रमुख प्रसाद सोनावणे यांनी पाठपुरावा करून हा प्रश्न मार्गी लावला आहे.
पनवेल शहरातील नागरिकांच्या सोयीसाठी ७५ नंबरची सिटी बस सेवा सुरू आहे. काही दिवसांपासून त्या बसच्या फेऱ्या अतिशय कमी प्रमाणात होऊ लागल्याची तक्रार साईनगर भागातील काही रहिवाशांनी शिवसेनेकडे केली. ज्यामुळे त्यांना रिक्षासाठी अतिरिक्त पैसे खर्च करून रेल्वे स्टेशन गाठावे लागते. याच भागातील रहिवासी व सुजाण नागरिक योगेश गोरे यांनी या संदर्भात आसूडगाव आगारातील अधिकाऱ्यांशी संपर्क साधून याबाबत तक्रार देखील केली. परंतु संबंधित विभागाकडून अपेक्षित कारवाई झाली नाही. ही बाब त्यांनी पनवेल शहर प्रमुख प्रसाद सोनावणे यांच्याशी संपर्क करून निदर्शनास आणून दिली.
सदर विषयाची चर्चा करण्यासाठी त्यांनी व प्रभाग १४ चे शाखाप्रमुख.प्रतीक वाजेकर, प्रभाग क्रमांक १९ शाखाप्रमुख अविनाश साफल्य यांनी आसूडगाव आगारातील संबंधित अधिकाऱ्यांशी चर्चा केली व त्यांनी येत्या सोमवारपासून त्या मार्गावरील बसच्या फेऱ्या वाढवून देऊन बस सेवा सुरळीत करून देण्याचे कबूल केले व तसेच भविष्यात प्रवाशांना अशा प्रकारचा त्रास होणार नाही असे आश्वासन दिले.
फोटो: सिटीबस चर्चा
