रोख रक्कम खेचून मोटार सायकलवरून चोरटे पसार..
पनवेल दिनांक २३ (वार्ताहर)
रोख रकमेचे बंडल पिशवीत घेऊन पायी चाललेल्या एका इसमाच्या हातातील पिशवी मोटर सायकल वरून आलेल्या दोघा अज्ञात इसमांनी खेचून ते पसार झाल्याची घटना पनवेल शहरात घडली आहे.
मनिष म्हात्रे वय ४२ हे त्यांच्या ताब्यात असलेले वीस हजार रुपयांची रोख रक्कम घेऊन ते रस्त्याने पायी जात असताना युनिकॉर्न मोटरसायकल वरून आलेल्या दोघांपैकी एकाने त्यांच्या हातातील पैसे असलेली पिशवी खेचून ते पसार झाले. याबाबतची तक्रार पनवेल शहर पोलीस ठाण्यात करण्यात आली आहे.
