घरात प्रवेश करून मोबाईल फोनसह इतर वस्तूंची चोरी...
पनवेल, दि.30 (संजय कदम) ः घरात झोपलेले असल्याचे पाहून अज्ञात चोरट्याने राहत्या घराच्या भिंतीला असलेली सिमेंटची खिडकी काढून त्यावाटे घरामध्ये प्रवेश करून घरात असलेला अॅड्राईड फोन व इतर साहित्य चोरुन नेल्याची घटना आसुडगाव परिसरात घडली आहे.
मुन्नाकुमार वली राम (43 रा.सेक्टर 4, आसुडगाव) हे घरात झोपलेले असताना अज्ञात चोरट्याने राहत्या घराच्या भिंतीला असलेली सिमेंटची खिडकी काढून त्यावाटे घरामध्ये प्रवेश करून घरात असलेला अॅड्राईड फोन व इतर साहित्य असा मिळून जवळपास 18 हजार रुपये किंमतीचा ऐवज चोरुन नेल्याने याबाबतची तक्रार खांदेश्वर पोलीस ठाण्यात करण्यात आली आहे.
