दागिने खेचून पसार
पनवेल, / दि.25 (संजय कदम) ः मोटार सायकलवरुन आलेल्या दोघा अज्ञात इसमांनी आज सकाळी मॉर्निंग वॉक करीत असलेल्या एका महिलेच्या गळ्यातील दागिने खेचून पसार झाल्याची घटना घडली आहे.
शहरातील मोराज सोसायटी परिसरात सुमेधा कुशवाह (45) या मॉर्निंग वॉक करीत असताना मोटार सायकलवरून आलेल्या दोन अज्ञात इसमांनी त्यांच्या गळ्यातील सोन्याचे दागिने खेचून ते पसार झाले आहेत. याबाबतची तक्रार पनवेल शहर पोलीस ठाण्यात करण्यात आली आहे.
