पनवेल, दि.३ (वार्ताहर) ः उभ्या गाडीच्या डाव्या बाजूची काच फोडून अज्ञात चोरट्यांनी लॅपटॉप, पेन ड्राईव्ह व इतर साहित्य असा मिळून जवळपास 21 हजार रुपये किंमतीचा ऐवज चोरुन नेल्याची घटना खारघर येथे घडली आहे.
खारघर वसाहतीमधील सेक्टर 8 स्टेट बँक ऑफ इंडिया येथे सायली जाधव यांनी त्यांची टाटा नॅनो गाडी उभी करून त्या बाजूला कामानिमित्त गेल्या असताना अज्ञात चोरट्याने त्यांच्या गाडीच्या डाव्या बाजूची काच फोडून लॅपटॉपसह इतर ऐवज चोरुन नेला आहे. याबाबतची तक्रार खारघर पोलीस ठाण्यात करण्यात आली आहे.
