शिवसेनेने( उद्धव बाळासाहेब ठाकरे)विचारला सिडकोला जाब
पनवेल दि. २१ ( संजय कदम ) : खांदा वसाहतीमध्ये अवेळी व कमी दाबामुळे सोडण्यात येणाऱ्या पाण्या विरोधात शिवसेना ( उद्धव बाळासाहेब ठाकरे ) पक्षाने सिडकोच्या संबंधित खात्यातील अधिकाऱ्यांना आज जाब विचारण्यात आला .
शिवसेना ( उद्धव बाळासाहेब ठाकरे ) पक्षाचे खांदा वसाहतीचे शहर प्रमुख सदानंद शिर्के यांच्या नेत्तृत्वाखाली सहाय्यक कार्यकारी अभियंता कार्यालयातील अधिकारी मस्कर यांची भेट घेऊन खांदा वसाहतीमधील पाणी पुरवठा दिनांक १६ मार्च पासून पुर्णत: बंद आहे. व ज्या ठिकाणी पाणी पुरवठा केला गेला तो अत्यंत कमी दाबाने व कमी कालावधी करण्यात येत आहे. त्यामुळे खांदा वसाहतीमधील रहिवाश्यांना पाण्यासाठी वणवण भटकावे लागत आहे. सिडको प्रशासनामार्फत करण्यात येणाऱ्या असहकार्याच्या भावनेमुळे व त्यांच्या कडून पुरवल्या सेवेचा शिवसेनेने निषेध करीत व जर सिडको मार्फत पाण्याची समस्या तात्काळ सोडवली जावी व खांदा वसाहतीमधील पाणी पुरवठा तात्काळ सुरू करावा अन्यथा शिवसेना आपल्या स्टाईल ने आंदोलन छेडेल असा इशारा शहर प्रमुख सदानंद शिर्के यांनी दिला आहे .
फोटो - शहर प्रमुख सदानंद शिर्के निवेदन देताना
