पनवेल तालुका पोलिसांची कारवाई....
पनवेल दि.१८(संजय कदम): पनवेल तालुक्यातील कल्हे गाव तसेच नेरे गाव या ठिकाणी किराणा दुकानासह बेकायदा देशीदारू विक्रीकरणाऱ्या एका महिले विरोधात पनवेल तालुका पोलिसांनी कारवाई केली आहे.
तालुक्यातील कल्हे गावातील एका किराणा दुकानात बेकायदेशीररीत्या देशी विदेशी दारू विक्री केली जात असल्याची माहिती पनवेल तालुका पोलीस ठाण्याचे वरिष्ठ पोलीस निरीक्षक अनिल पाटील यांना मिळताच त्यांच्या मार्गदर्शनाखाली विशेष पथकाने सदर ठिकाणी छापा टाकून जवळपास १२०० रुपये किमतीचा देशी विदेशी मद्यसाठा हस्तगत केला आहे. तर दुसऱ्या घटनेत तालुक्यातील नरे गाव येथे एक महिला तिच्या घराजवळून बेकायदेशीररित्या देशी दारूची विक्री करण्यासाठी जवळपास ७३५ रुपयाच्या देशी दारूच्या बाटल्या बाळगल्या प्रकरणी तिच्यावर कारवाई करण्यात आली आहे.
