भुयारी मार्गावर वाहनांना प्रवेश बंदी...
पनवेल / दि.०७ (संजय कदम) : तक्का गाव ते विचुंबे कडे जाणारा भुयारी मार्गावर पनवेल शहर वाहतुक शाखेकडून वाहनांना पूर्णपणे प्रवेशबंदी करण्यात आली आहे. त्यामुळे तेथील नागरिकांनी आपली गैरसोय टाळण्याकरीता पर्यायी रस्त्याचा वापर करावा असे आवाहन पनवेल शहर वाहतुक शाखेकडून करण्यात आले आहे.
पनवेल रेल्वे स्टेशन तक्का ते विचुंबे कडे जाणारा भुयारी मार्गावर रेल्वे ट्रॅकचे दुपदरीकरणाचे काम सुरू होणार आहे. सदरचे काम अंदाजे सहा महिने चालु राहणार आहे. त्यामुळे कोणत्याही प्रकारचे अपघात व नागरिकांची गैरसोय होऊ नये यासाठी पनवेल शहर वाहतुक शाखेकडून तक्का गाव ते विचुंबे कडे जाणारा भुयारी मार्गावर पूर्णपणे प्रवेशबंदी करण्यात आली आहे. त्यामुळे नागरिकांनी आपली गैरसोय टाळण्याकरीता एचडीएफसी सर्कल या मार्गाचा वापर करावा असे आवाहन पनवेल शहर वाहतुक शाखेचे पोलीस निरीक्षक संजय नाळे यांनी केले आहे. तसेच यासंदर्भात वाहतूक शाखेकडून आवाहनाचे माहितीपत्र प्रसिद्ध करण्यात आले आहे.
फोटो : वाहतूक आवाहनपत्र
