अज्ञात मोटारसायकलस्वाराची पत्रकाराला मारहाण..
पनवेल दि.१० (वार्ताहर) : खारघरमध्ये एका अज्ञात मोटरसायकलस्वाराने वाहन बाजू देण्याच्या कारणांवरून पत्रकाराला मारहाण केल्याची घटना घडली आहे. याबाबतची तक्रार खारघर पोलीस स्थानकात दाखल करण्यात आली आहे.
खारघरमधील "नवलोकहित दृष्टी" या साप्ताहिकाचे संपादक संदेश सोनमळे यांना एका अज्ञात मोटर सायकल स्वाराने सेंट्रल पार्कच्या रस्त्यावरती वाहनाला बाजू देण्याच्या कारणांवरून मारहाण केली. याबाबतची तक्रार संदेश सोनमळे यांनी खारघर पोलीस स्थानकात दाखल केली असून पोलीस पुढील तपास करीत आहेत.
