दोन घरफोड्यात लाखोंचा ऐवज लंपास ..
पनवेल दि. ०६ ( संजय कदम ) : पनवेल परिसरात दोन ठिकाणी झालेल्या घरफोड्यामध्ये लाखो रुपये किमतीचा ऐवज लंपास झाल्याची घटना घडली आहे .
शहरातील लाईन आळी येथील शिवम अपार्टमेंट येथे राहणाऱ्या वृषाली चौधरी यांच्या बंद घराच्या सेफ्टी दरवाजाचा लॉक व लोखंडी कडी अज्ञात चोरट्याने कशाच्या तरी साहाय्याने कापून आत घरात प्रवेश करून घरातील सोन्याचे दागिने व रोख रक्कम असा मिळून जवळ पास साडे बेचाळीस हजार किमतीचा ऐवज चोरून नेला आहे.
तर दुसऱ्या घटनेत करंजाडे येथील मातोश्री बिल्डिंग मध्ये राहणाऱ्या पल्लवी बोराडे यांच्या घरात सुद्धा अज्ञात चोरट्याने घरफोडी करून रोख रक्कम व सोन्या -चांदीचे दागिने असा मिळून एक लाख एक हजार चारशे रुपये किमतीचा ऐवज चोरून नेलाय या बाबतची तक्रार पनवेल शहर पोलिओचे ठाण्यात करण्यात आली आहे .
