हातातील मोबाईल खेचून स्कुटीवरुन दोघेजण पसार..

हातातील मोबाईल खेचून स्कुटीवरुन दोघेजण पसार

पनवेल, दि.2 (वार्ताहर) ः आपल्या घरी जाण्याकरिता बसच्या प्रतिक्षेत असलेल्या एका इसमाच्या हातातील मोबाईल खेचून दोघेजण स्कुटीवरुन पसार झाल्याची घटना शेडुंग फाटा परिसरात घडली आहे.

सचिन गाणे (30) हे शेडुंग फाटा येथे घरी जाण्यासाठी बसची वाट बघत उभे असताना स्कुटीवरुन दोन अनोळखी इसम त्यांच्याजवळ येवून त्यापैकी पाठीमागे बसलेल्या एका इसमाने त्यांच्या हातातील 15 हजार रुपये किंमतीचा रेड मी कंपनीचा मोबाईल फोन खेचून ते पसार झाले आहेत. याबाबतची तक्रार पनवेल तालुका पोलीस ठाण्यात करण्यात आली आहे.