पनवेल परिसरात दोन वेगवेगळ्या अपघातात दोघांचा मृत्यू...

पनवेल, दि.26 (संजय कदम) ः पनवेल परिसरात झालेल्या दोन वेगवेगळ्या अपघातात दोघा जणांचा मृत्यू झाल्याची दुर्दैवी घटना घडली आहे.

अर्जुन कासारे (20 रा.पंचशिलनगर झोपडपट्टी) हा त्याच्या ताब्यातील मोटार सायकल घेवून भरधाव वेगाने शिवशंभो नाका येथील पंचमुखी हनुमान मंदिरासमोरील रस्त्यावरुन जात असताना त्याने रस्त्याच्या डिव्हायडरला धडक मारुन त्यात तो गंभीररित्या जखमी होवून त्यात त्याचा मृत्यू झााला आहे. या अपघाताची नोंद पनवेल शहर पोलीस ठाण्यात करण्यात आली आहे. तर दुसर्‍या घटनेत तळोजा फेज-1 आर.ए.एफ. सिग्नल जवळ टाटा कंपनीच्या हायवा डंम्पर वरील चालकाने भरधाव वेगाने डंम्पर चालवून सुबोधकुमार चौधरी (39 रा.नेरुळ) याच्या मोटार सायकलला धडक दिल्याने झालेल्या अपघातात सुबोधकुमार चौधरी हा गंभीररित्या जखमी होवून मयत झाला आहे. या अपघाताची नोंद तळोजा पोलीस ठाण्यात करण्यात आली आहे.