पनवेल वैभव / प्रतिनिधी : -
स्वाभिमानी युथ रिपब्लिकन पार्टीचे रायगड जिल्हा अध्यक्ष महेश साळुंखे यांच्या अध्यक्षतेखाली महाड येथील डॉ. बाबासाहेब आंबेडकर भवन येथे स्वाभिमानी युथ रिपब्लिकन पक्षाचा आगामी विधानसभा निवडणुकीच्या पार्श्वभूमीवर सर्व कार्यकर्त्यांचा "स्वाभिमानी मेळावा " सोमवार दि. 16 सप्टेंबर 2024 रोजी दुपारी दोन वाजता संपन्न होणार आहे .
या मेळाव्याचे आयोजन महाड तालुका अध्यक्ष सुजित जाधव व महाड शहराध्यक्ष सुनील जाधव यांच्या मार्गदर्शनाखाली होणार आहे. या मेळाव्यासाठी पक्षाचे राष्ट्रीय अध्यक्ष सागर भाई संसारे , महाराष्ट्र प्रदेशचे युवा नेते अनिकेत संसारे, महासचिव अशोकजी वाघमारे, अरुण धीवर, मुंबई प्रदेशचे अध्यक्ष अमित हिरवे, विजय पवार, सिद्धार्थ पेडणेकर, व महाराष्ट्राचे संघटक भगवान गरुड उपस्थित राहणार आहेत.
सदर मेळावा जिल्हाध्यक्ष महेश साळुंखे यांच्या संकल्पनेतून घेण्यात येत आहे . या मेळाव्यासाठी रायगड जिल्हा कार्याध्यक्ष विजय धोत्रे त्याचप्रमाणे रायगड जिल्ह्यातील सर्व तालुक्यांचे अध्यक्ष , शहरांचे अध्यक्ष व प्रमुख कार्यकर्ते उपस्थित राहणार आहेत. रायगड जिल्ह्यातील सर्व कार्यकर्त्यांना महेश साळुंखे यांनी आवाहन केले आहे की त्यांनी या मेळाव्यासाठी जास्तीत जास्त संख्येने उपस्थित रहावे .
सदर मेळावा सोमवार दिनांक 16 सप्टेंबर 2024 रोजी दुपारी दोन वाजता भारतरत्न डॉक्टर बाबासाहेब आंबेडकर भवन चवदार तळे महाड येथे संपन्न होणार आहे.
