स्मृतिदिनानिमित्त बस थांबा व शेडचा शुभारंभ....
पनवेल दि १५, ( संजय कदम) : शिवसेना ( उद्धव बाळासाहेब ठाकरे) चे रायगड जिल्हा संपर्कप्रमुख बबनदादा पाटील यांचे वडिल कै.कमळु पाटील यांचा ३१ व्या स्मृतीदिनानिमित्त, तालुक्यातील तळोजा पंचानंद येथे बस थांबा व शेड चा शुभारंभ आज करण्यात आला.
या परिसरात मोठ्या प्रमाणात रहिवासी वास्तव्यास आले आहेत त्यांना बससाठी रस्त्यावर भर उन्हात व पावसाळ्यात उभे रहावे लागत होते, येथील रहिवासांची गैरसोय लक्षात घेऊन शिवसेनेचे( उद्धव बाळासाहेब ठाकरे) रायगड जिल्हा संपर्कप्रमुख बबनदादा पाटील यांनी थांबा व शेड उभारली. सदर बस थांबा व शेड चे उदघाटन उपजिल्हा प्रमुख रामदासदादा पाटील, शिवसेना पनवेल म.न.पा 3 चे अध्यक्ष मिथुन मढवी , शिवसेना तळोजा शहर समन्वयक अभिमन्यू अर्जुन गोरे, तळोजा युवासेनेचे तेजस पाटील आदींच्या उपस्थितीत करण्यात आले .
फोटो - बस थांबा व शेड चा शुभारंभ
