कंटेनरच्या धडकेने पादचार्‍याचा मृत्यू
पनवेल, दि.22 (वार्ताहर) ः कंटेनरच्या धडकेने पादचार्‍याचा मृत्यू झाल्याची घटना मुंबई-पुणे एक्सप्रेस हायवेवर पुणेकडे जाणार्‍या लेनवर आज पहाटे घडली आहे.
अन्वर हुसेन अब्दुज अजीज पठाण (52) हे रस्ता ओलांडत असताना अज्ञात कंटेनरवरील चालकाने त्यांना धडक मारुन झालेल्या अपघातात ते गंभीररित्या जखमी होवून त्यांचा मृत्यू झाला आहे. या घटनेनंतर सदर कंटेनर चालक वाहनासह पसार झाला आहे. या अपघाताची नोंद पनवेल तालुका पोलीस ठाण्यात करण्यात आली आहे.
