बाळासाहेब ठाकरे लॉ कॉलेजच्यावतीने पनवेल तहसिलकडे रेशन सुपूर्द ; बबनदादा पाटील यांचा पुढाकार

मुख्यमंत्री उद्धव ठाकरे यांच्या वाढदिवसानिमित्त 
ज्येष्ठ शिवसैनिकांच्या उपस्थितीत तहसीलदारांकडे करण्यात आले रेशन सुपूर्द

पनवेल : वार्ताहर
राज्याचे मुख्यमंत्री तथा शिवसेना पक्ष प्रमुख उद्धव ठाकरे यांच्या वाढदिवसानिमित्त तळोजे येथील बाळासाहेब ठाकरे लॉ कॉलेजच्यावतीने रायगड जिल्हा सल्लागार बबनदादा पाटील यांच्या पुढाकारातून तांदूळ आणि डाळ असे धान्य पनवेलचे तहसीलदार विजय तळेकर यांच्याकडे सुपूर्द करण्यात आले. सदर प्रक्रिया ही शिवसेनेच्या सर्व ज्येष्ठ नेत्यांच्या उपस्थितीत पार पडली.

राज्यात संकटे येण्याची आणि त्याला समर्थपणे सामोरं जाण्याची कसब मुख्यमंत्री उद्धव ठाकरे यांनी आपल्या कार्यातून दाखवून दिली आहे. नुकत्याच महाड, खेड आणि चिपळूण याठिकाणी अतिवृष्टीचा तडाखा बसून महापुराने आपले विक्राळ रूप दाखवून दिले. यामध्ये अनेक जणांची घरे पाण्यात पूर्णपणे बुडून गेली होती. तसेच घरामधील सर्व सामान पाण्यात वाहून गेले होते. या सर्व नागरिकांच्या मदतीसाठी पनवेलमधील विविध संस्था या त्याठिकाणी पोहोचून जवळपास २५ हजार लोकांना अन्न शिजवून खावू घालत आहेत. त्यांच्या या कार्यात एक खारीचा वाटा म्हणून आज उद्धव ठाकरे यांच्या वाढदिवसानिमित्त तळोजामधील बाळासाहेब ठाकरे लॉ कॉलेजचे संस्थापक बबनदादा पाटील यांनी तांदूळ आणि डाळ असे धान्य जमा केले. 

गेल्या दोन दिवसांपूर्वीच बबनदादा पाटील यांनी खारघर येथील शिवसेनेच्या मध्यवर्ती कार्यालयात झालेल्या रक्तदान शिबिरावेळी जाहीर केले होते आणि आज त्यांनी जाहीर केलेले कार्य पूर्ण केले. तसेच रायगड जिल्हाप्रमुख शिरीष घरत यांनी रायगडमधील सर्व शिवसैनिकांना मदत कार्यात सामील होण्याचे आवाहन केले होते, त्या आवाहनाला जिल्ह्यातील शिवसैनिकांनी स्वीकारले असून सर्वत्र मदतीचा ओघ सुरू झाला आहे. आज पार पडलेल्या या मदत कार्याला शिवसेनेचे जिल्हा सल्लागार बबनदादा पाटील, रायगड जिल्हाप्रमुख शिरीष घरत, उपजिल्हाप्रमुख रामदास पाटील, तालुका संघटक भरत पाटील, विधानसभा संघटक दिपक निकम, महानगरप्रमुख रामदास शेवाळे, उपमहानगरप्रमुख कैलास पाटील, दिपक घरत, प्रसिद्धी प्रमुख पराग मोहिते, अच्युत मनोरे, नंदू घरत, आदींसह पदाधिकारी व कार्यकर्ते उपस्थित होते.


Comments
Popular posts
दिशा महिला मंच तर्फे नवी मुंबईतील कर्तृत्ववान महिलांना "नवदुर्गा पुरस्कार" देऊन सन्मान...
Image
महाराष्ट्र पोलीसांचा सातासमुद्रापार झेंडा ; सहाय्यक पो.नि. सुभाष पुजारी यांनी जागतिक शरीरसौष्ठव स्पर्धेत पटकाविले ब्रॉन्झ मेडल....
Image
बाळासाहेब ठाकरे लॉ कॉलेजच्या विद्यार्थ्यांचे मुंबई हायकोर्टात "ती" नावाचे पथनाट्य सादर....
Image
खांदा कॉलनी युवासेने तर्फे जेष्ठ नागरिकांना मोफत चष्मे वाटप व आरोग्य तपासणी शिबीर संपन्न....
Image
मा.उपमहापौर विक्रांत पाटील यांनी केला जागतिक शरीर सौष्ठव स्पर्धेत कांस्यपदक विजेते सुभाष पुजारी यांचा विशेष सत्कार....
Image